Railway track Explosion: 13 రోజుల క్రితం ప్రధాని ప్రారంభించిన రైల్వే ట్రాక్‌పై పేలుడు... ధ్వంసమైన పట్టాలు

 

ప్రధాని నరేంద్ర మోదీ 13 రోజుల క్రితం ప్రారంభించిన రైల్వే ట్రాక్‌పై (Railway track Explosion) పెద్ద ప్రమాదం తప్పింది. శనివారం రాత్రి పట్టాలపై పేలుడు సంభవించింది. దాంతో రైల్వే ట్రాక్ దెబ్బతిన్నది. అయితే స్థానికులు వెంటనే అప్రమత్తం అయి రైల్వే సిబ్బందికి చెప్పారు. దాంతో వారు వెంటనే అటువైపుగా వచ్చే ట్రైన్‌ ఆపేశారు. దాంతో పెద్ద ప్రమాదం తప్పింది. అయితే ఎవరో దుండగులు కావాలనే ఈ పని చేశారని పోలీసులు అభిప్రాయపడుతున్నారు.

ప్రధానాంశాలు:

• దెబ్బ తిన్న ఉదయ్‌పూర్ రైల్వే ట్రాక్‌‌పై
• స్థానికులు అలర్ట్ కావడంతో తప్పిన ముప్పు
• దీని వెనుక కుట్ర ఉందంటున్న పోలీసులు

Railway track Explosion: అహ్మదాబాద్, ఉదయ్‌పూర్ రైల్వే ట్రాక్‌‌పై ప్రమాదం జరిగింది. రైలు పట్టాలపై శనివారం రాత్రి పేలుడు (Explosion) సంభవించింది. ఈ ప్రమాదంలో ట్రాక్ చాలా వరకు ధ్వంసమైంది. అయితే సమీపంలోని గ్రామస్థులు అప్రమత్తమవ్వడంతో పెద్ద ప్రమాదం తప్పింది. ఈ లైన్‌ను గత నెల 31న ప్రధాని నరేంద్ర మోదీ ప్రారంభించారు. దెబ్బతిన్న రైల్వే ట్రాక్‌పై గన్‌పౌడర్‌ లభించింది. దాంతో దుండగులు కావాలనే చేశారని పోలీసులు భావిస్తున్నారు.

• 
  

సాలుంబర్ మార్గంలోకి కెవాడే కి నాల్‌లోని రైల్వే బ్రిడ్జ్‌పై ఈ పేలుడు సంఘటన జరిగింది. స్థానిక ప్రజలకు రాత్రి 10 గంటల సమయంలో పేలుడు శబ్దం వినిపించింది. దాంతో వెంటనే ట్రాక్‌పైకి వెళ్లి చూసి.. అక్కడి పరిస్థితిని రైల్వే అధికారులకు తెలియజేశారు. దాంతో పెను ప్రమాదం తప్పింది. పేలుడు అనంతరం అహ్మదాబాద్‌ నుంచి ఉదయ్‌పూర్‌కు వస్తున్న రైలును దుంగార్‌పూర్‌లో నిలిపివేశారు. ఒక రైలు పేలుడుకు నాలుగు గంటల ముందు ఇదే ట్రాక్ గుండా వెళ్లింది.

అంతేకాదు ఈ మార్గంలో పలుచోట్ల ఇనుప పట్టాలు విరిగిపోయి ఉన్నట్టు రైల్వే సిబ్బంది గుర్తించారు. బ్రిడ్జిపై లైన్‌లో నట్ బోల్ట్‌లు కూడా కనిపించలేదని, ట్రాక్‌పై ఒక సన్నని ఇనుప షీట్ కూడా నలిగిపోయి కనిపించిందని సిబ్బంది తెలియజేశారు. అయితే ఇప్పటి వరకు ఈ ఘటనకు పాల్పడింది ఎవరనేది తెలియలేదు. అయితే ఈ పేలుడు వెనుక పెద్ద కుట్ర ఉండి ఉంటుందని పోలీసులు అనుమానిస్తున్నారు. కాగా ఈ రైల్వే ట్రాక్‌ ఆరేళ్లు ఎదురుచూసిన తర్వాత 13 రోజుల క్రితం ప్రారంభమైంది. ఇంతలో ఈ ఘటన చోటుచేసుకుంది.